LA VERE GO XXL: GURIZE E GNOVE GURIZE UNE CITÂT

di GUIDO GERMANO PETTARIN

Se si cjamine denant da Transalpine, te place e vie des stradis dongje, no si à la sensazion di passâ di un Paîs a un altri, di une citât a chê altre. Pe veretât, no tu lassis mai la nestre Citât Ugnule; si cjamine dome traviers di borcs diferents ma di dome une citât: di une bande chê viele e di chê altre chê gnove. Parcè che tu sês simpri a Gurize XXL.

Chest al è il doman maraveôs che, in gracie di GO!2025, Gnove Gurize e Gurize Capitâl europeane de culture, si è fat pe nestre int e pai nestris teritoris: la zone dal Gurizan e la zone de Goriska, dividudis de fin de seconde vuere mondiâl e daspò tornadis a unî cu la jentrade de Slovenie inte Union europeane. O sin un teritori unic e o sin une citât uniche. O vin ricjecis storichis, ambientâls, culturâls e turistichis invidiosis. O vin il complès urban plui zovin di Europe, Gnove Gurize; si cjatìn tacats dal Cuei Brda e de sô fantastiche ricjece ambientâl; tes nestris diocesis al è il far de jentrade romane tal mont sclâf e panonic, Aquilee, la sô basiliche e i siei mosaics straordenaris; o bevin di un dai flums plui biei di Europe, il Lusinç, e vie cussì. Al patiment de division de Cortine di fier al à dât al nestri popul, talians, slovens, furlans e todescs, la fuarce di reagjî e lâ di là di chês barieris, tornant a cjatâsi insiemi par simpri.

Lis nestris aministrazions a son stadis in dialic par agns e agns e a àn creât, jenfri lis pocjis in Europe, un GECT di Comuns: il GECT, che al cjape dentri Gurize Gnove Gurize e San Pieri Vrtojba. Gnove Gurize e Gurize a son la Capitâl Europeane da Culture tal 2025 e nuie al pues impedî a Gurize, Gnove Gurize e Sem Pieri Vrtojba di jessi une citât uniche di plui di 70.000 abitants che e si rinfuarçe ogni dì di plui. La citât uniche e à di continuâ su cheste strade, e à di cjapâ lis oportunitâts economichis par sparagn e eficience che a son, dome par nomenâ alc, teleriscjaldament difondût, rêts unichis di distribuzion e vendite de aghe, eletricitât e gas, gjestôrs comuns dai servizis telefonics, dome un sisteme di traspuart urban e fûr urban, un sisteme bancjari e postâl e di servizis ae int, une sane concorence su la cualitât e sui presis, lant di là dal dumping fiscâl e dal lavôr, la assistence sanitarie coordenade, e la liste e podarès lâ indenant.

A nol impuarte se no si rive ancjemò a unî ents europeans di Stats diferents, ancje in maniere legâl. O doprìn la nestre cognossince par cjatâ lis miôr soluzions: o si movin come se al fos za pussibil. Come che al è stât za fat tal passât: proviodint incuintris dai conseis comunâi o metint in vore plans strategjics compagns e che si fasin adun, rispietâts di ducj cun bon acet. Nol pues jessi un progjet gjenerâl unic? Nissune maravee: a saran doi di lôr, che a seguissin i stes inviaments e che a si completin un cul altri. O sin madurîts cun GECTGO e GO 2025 e o podìn fâ il miôr ûs de cinture verde che e lee i trê centris urbans e doprâ i doi di dut che o vin a disposizion: un moltiplicadôr formidabil de buine vite. No sierìnsi tes trinceis, ma vierzintsi al mont, dant la benvignude a chei che a rivin a cognossinus e a vivi cun nô. Gurize XXL, une citât europeane vierte, fondade a nivel economic sore la digjitalizazion, la logjistiche e la culture e il disvilup economic europeans: la Nizza europeane, infin. Cheste e je la mê vision dal doman di Gurize. O soi sigûr che lis opinions a son une vore diviersis, ma la robe impuartante e je fevelâ di chest, discutilu, lâ insot e confrontâlu. Dome traviers i resonaments, soredut cuant che e a son fins, e pues nassi la condivision dai obietîfs e dal futûr. Un futûr nol è desiderabil se a nol è condividût e, ancjemò mancul, se al al stice scuintris. O vin bisugne di lûs e la lûs e si impie a traviers de discussion. O odei il pinsîr a une sole piste e o speri che si sfuarcin di une discussion sclete e vierte, complesse e competente, europeane, egalitarie, libertarie e rispietose. Ce che o viodìn in Go!2025 nol è un senari di torment, ma un câs di grandis oportunitâts.

Il timp al è madûr: la storie e cjamine su lis gjambis dai oms a un ritmi plui veloç di chel des istituzions, che a àn bisugne di cjatâ e disvilupâ cuadris normatîfs. La citât uniche e je za une realtât. Lis istituzions a àn di vê il coragjo di ricognossi chest e doprâ plui ca puedin cheste oportunitât ecezionâl. Lis regulis in detai a vegnin dopo.

Al è pasât il timp di dôs citâts che a si voltin lis spalis une cun chê altre.

Cumò la citât vecje e chê gnove a si cjalin tai voi, a si judin, a fasin viodi lis lôr particolaritâts e lis doprin par cressi. Il re al è crot e la citât e je uniche, covente dome vierzi i vôi. E la lenghe no je plui un probleme, parcè che i zovins a fevelin ducj l’inglês che al è la lenghe francje dal Mont e no viôt parcè che nol pues jessi compagn par GECT GO e GO!2025. E chest leât ae nestre storie e aes nestris lenghis: furlan, sloven, todesc e talian. Dome chei che a àn lidrîs fuartis te lôr storie a àn la fuarce di frontâ il futûr. La citât uniche e à lidrîs une vore insot.

Articolo il lingua friulana.